Tsitsipas hnehtu Draper

Cincinnati Open khelh laiah champion tura rinkai zinga mi Stefanos Tsitsipas a chak lo - Greek tlangval hi Jack Draper lakah 3-6, 6-4, 7-5 in a tlawm a ni.

Nimin zing khan player pahnih an inkhel tawk hle, set hnuhnung berah Tsitsipas hian a khingpui service chhuhsakin 5-4 in hma a hruai. Mahse, a service a hum thei lo a, a service tura hun bituk a pelh bakah double fault a nei bawk.

Boruak sang ngam zawk tura ngaih Tsitsipas a che fuh thei lo a, tawnhriat nei tlem zawk Draper hian game hnuhnung pathum la zawnin a chak ta zawk a ni.

Kum 22 mi Draper chuan, "Stefanos nen hian a hma pawhin kan lo inhmachhawn tawh a, inkhelh pui a awlsam lo thei hle. Mahni service hloh hnua thawh chhuah leh theih chu thil lawmawm tak a ni," a ti.

Draper hian a match lehpekah chuan Casper Ruud leh Felix Auger-Aliassime te inkhela chak zawk a hmachhawn leh ang. Nimin zing khan Carlos Alcaraz pawh a inlan a, mahse khua in a bumro avangin Gael Monfils nen an inkhel tluan thei rih lo.