Kumina match 50 chak tling Zverev

Tennis season kal laiah Alexander Zverev chu mipa player zinga match 50 chak tling thei hmasa ber a ni - German tlangval hian Karen Khachanov chu straight set hmanga hnehin Cincinnati Open a match hmasa ber a paltlang.

Season hmang ṭha tak Zverev hi 6-3, 6-2 in a chak a, kuminah vawi 50 a chak tling ta chiah - Khachanov hneh tur hian darkar khat leh minute 18 chhung hun a hmang a ni.

Kum khat chhunga match 50 chak tlin hi thil awlsam a ni lo, kum 2017, 2018, 2021 leh 2023 te khan Zverev hian hetiang hi a lo ti tawh, tunah a vawi nga nan a tawng leh ta chiah.

A chak hnem avangin nomawi pawh a chawi nual - ATP Masters title parukna turin Roma khawpuiah a hlawhtling a, tun inelna neih laiah pawh champion tura rinkai leh buk rit zinga mi a ni.