Aussie-in Afghan lakah WC record siam

ICC World Cup 2015-ah record thar a pian belh zel. Australia chuan Afghanistan lakah run 417 vawchhuakin World Cup match khata run siam hnem ber record an hauh a, run 275-in an chak a,

W.A.C.A. Ground, Perth-a inkhelah Australia tan David Warner chuan century a hlap chhuak a, Mitchell Johnson chuan wicket li la bawkin an team an chakpui chiang hle.

Australia run siam zat hi World Cup-a run siam hnem ber record thar a ni a, kum 2007-a India-in Bermuda an hneh ṭuma run 413 an siam zat chu an rawn khum a ni.

Eng nge an sawi?

Australia captain Michael Clarke chuan, "Hnehna ropui tak a ni. Kan naute an bat ṭha a. A bik takin David Warner, Steve Smithn leh Glenn Maxwell te khan an khel ṭha a, kan chak phah ta a ni," a ti.

Afghanistan captain Mohammed Nabi chuan, "Kan tan chuan tawnhriat ropui tak a ni. Australia khan an khel ṭha em em a, an fast bowler-te ṭhat zia hi kan lo hre tawh ṭhin. Kan game hnuhnung pathumte kha kan tan chuan a ṭangkai em em a, kan kal zel na tura min puitu a ni," a ti.