Semi final-ah PSG

Paris St Germain chuan Parc des Princes-ah an khingpui Monoco chu David Luiz leh Edinson Cavani te goal thun hmangin 2-0 in an hneh a, French Cup 'Coupe de France' semi final-ah an inhlangkai.

Pathianni zan khan Ligue 1-ah PSG leh Monaco te hi league-ah goal awm loin inhnehtawk a, French Cup-ah erawh PSG an dingchang.

Nilai zan inkhelah Ezequiel Lavezzi freekick chu minute thumna lekah Chelsea defender hlui Luiz-a'n duhthusamin tauh fuh lo mah se keeper khawih hmaa tauh fuh leh hmain goal hmahruai a khung.

Player pawimawh Zlatan Ibrahimovic tel loa khel PSG-in second half minute 52-naah Cavani hmangin goal hnihna an khung a, Italian midfielder Marco Verratti ball pass a fing hle.

PGS hma hian St Etienne chuan semi final an lo lut tawh a. Quarterfinal dangah Stade Brestois leh AJ Auxerre bakah Concarneau leh EA Guingamp te nizan khan an inkhel a, result kan hre hman lo.