Scotland beisei a tawp

ICC World Cup 2015-a Scotland beiseina chu Bangladesh-in an tihtawp sak.

Ningani inkhelah wicket rukin Bangladesh hian Scotland an hneh. Saxon Field-a inkhelah Scotland tan Kyle Coetzer a che ṭha a, century hial hlap chhuak mah se a ṭhiante'n an thlawp ṭhat loh avangin a team a chakpui zo ta chuang lo a ni.

Ṭhumvawra vannei zawk Bangladesh-in fielding hmasak an thlang. Scotland hian over 50 an khelh meuh chuan run 318 hlapchhuakin wicket riat an hloh.

Bangladesh hun a thleng a, over 48.1-ah run 322 siamin wicket pali chiah an hloh a, a tira din­hmun ṭha lo zawk wicket rukin an chak.