Hrem phu Evans leh Cisse

Ningani zana Manchester United-in 1-0 a Newcaslte United an hneh ṭumin United defender Jonny Evans leh Newcastle striker Papiss Cisse te chu chil an in chhak khum ve ve niin a lang a. BBC-a football expert (pundit) te chuan player-te hi Football Association-in hrem ngei tura an duhthu an sawi.

Newcastle midfielder Dietmar Hamann chuan, "Kar engemaw zat chu an chawlh a ngai dawn a ni. An chet dan kha hriatthiam theih a ni lo, hrem ngei tur an ni," a ti.

Phil Neville chuan, "Field chhungah kha aia mawi lo kha a awm lo. Player-te khan an chet dan kha an en let ang a, an zak ve khawp ang," tiin a sawi.

TV replay aṭanga a lan dan chuan Northern Ireland defender Evans hian chil hi a chhak hmasa zawk a, Senegalese forward-in 'ha aiah ha' tih thupui a hmang chhunzawm bawk. Referee Anthony Taylor-a'n player pahnih a biak hnuah card a pe lo.

Football danah chuan chil chhak hi red card hmuh theihna a ni a, match tam zawk hrem theihna a ni.

Newcastle manager John Carver leh Manchester United boss Louis van Gaal te chuan thil thleng an hmuh loh thu a sawi ve ve.

Carver chuan, "Football-a thleng atan a duhawm lo hle. Buaina awm tih chu ka hmu a, sawi zui tur erawh ka nei lo," a ti.

Van Gaal chuan, "Jonny Evans hi midang chil chhak ching a nih ka ring lo. Leiah chil a chhak a nih ka ring, bench lama kan ṭhut daih avangin thil thleng ka hmu lo," tiin a sawi.

Chil chhakna langsar zual

* 1990 World Cup, Italy-a khelh ṭum khan Netherlands midfielder Frank Rijkaard leh Germany forward Rudi Voller te chu hnawhchhuah an ni a, chhuah pahin Rijkaard-a'n German forward samah chil a chhak khum. Rijkaard hian a tihsual a pawm a, Voller-a hnehnah hian ngaihdam a dil leh ta tho.

* El Hadji Diouf chuan 2003 khan UEFA Cup-ah Liverpool leh Celtic te inkhelh ṭumin a khingpui chil a chhak khum. Glasgow Sheriff Court-in Senegalese forward hi £5,000 a chawi tir a, match hnih hrem a ni bawk.

* Arsenal midfielder Patrick Vieira-a'n September 1999 khan Upton Park-a West Ham nena an inkhelh ṭumin Neil Ruddock chil a chhak khum a; £30,000 chawi tir a nih bakah match li chhung hrem a ni.

* Kum 2005 khan Marseille leh Wydad Casablanca te'n friendly match an khelh ṭumin Manchester United keeper hlui Fabian Barthez chu Moroccan referee chil a chhak khum avangin thla ruk chhung hrem a ni.

* Euro 2004 khan England-in Switzerland 3-0 a ahneh ṭumin Swiss forward Alexander Frei-a'n England midfielder Steven Gerrard-a nghawngah chil a chhak khum a, match thum chhung hrem a ni.