Inter Branch YMA Football tournament

Mizoram Football Asso­ciation chuan 2014-2015 calendar-a a lo dah tawh angin ram pum huap veng/khua inelna football tournament lian chu a buatsaih dawn a, Central YMA nen an thawk dun ang. April 21, 2015 aṭanga tan tur a ni a, a hmingah CT Group Cup- Inter Branch YMA Football Tournament tih a ni a, YMA branch hrang hrangte leh joint YMA-te an tel thei ang.

Tun hnaiah Central YMA office-ah organising committee an ṭhukhawm a, hetah hian CYMA aiawh leh MFA aiawh mi panga ve ve an tel. Tournament-a hriat tur pawimawhte an rel a ni.

April 21, 2015-ah Inter Branch YMA Football hi tan a ni dawn a, March 2015 chhungin entry fee pek theih a ni ang a, entry fee hi Rs 200/- niin Central YMA Office-ah pek theih a ni ang. Player khel thei tur tehnaah chuan CYMA leh MFA-in veng-khua inkhel tura dan leh hrai an duan zulzuiin hetiang hian dan siam a ni:

"Player-te chu an awmna YMA Branch-ah ngei a khel tur a ni. Player inchuh buai a awm a nih chuan, AIFF/MFA/DFA/Zone hnuaia a in-register-na a home address-ah a khel tur a ni ang," tih a ni.

- Information and Publicity Committee, MFA