Cancer ngam loh Jonas

Nilaini zana St James Park-a Manchester United leh Newcastle United inkhelh

ṭumin second half minute 65-naah Jonas Gutierrez-a'n defender Ryan Taylor a rawn thlak a, mipui thawm ṭha hle. Argentine midfielder hian damlohna vanga thla 17 chhung a chawl tawh a, cancer ngamtu a ni.

Argentine midfielder Jonas chuan, "Supporter-te min lo chhawn dan kha ka dam chhungin ka theihngilh tawh lo ang. Ka damloh chhung zawnga min puihna vangin ka lawm a, Newcastle mai bakah khawvel hmun hrang hrang aṭangin ṭawiawmna ka hmu ṭha bawk. Thinlung tak taka tumna a awm chuan harsatna engkim hi a hneh theih," a ti.

Gutierrez hian July 2008 khan Spanish club Mallorca aṭangin Newcastle a zawm. September 2011 khan kum li chhung atan a contract a pawt sei a, amaherawhchu Norwich City-ah loan-a chhuah tir a ni. Jonas hian Newcastle tan league match 177 a khel tawh a, goal 10 a khung tawh.