Vawiinah Pakistan leh South Africa
ICC World Cup 2015-ah beisei phak lo Pakistan leh harh tharna chang mek South Africa-te chu tukin zing dar 6:30 hian an inkhel dawn.
Eden Park, Auckland-a inkhel turah hian South Africa tan Ireland an khelh ṭuma century siamtu pahnih Hashim Amla leh Faf du Plessis-te khelh ṭhat leh khekh ṭhat loh a pawimawh ang. South Africa hian an World Cup match hmasa berah Zimbabawe hnehin, an match vawi hnihnaah India an in sawp tir a, an mualpho. Mahse, hemi hnu hian South Africa in harhna an chang a, West Indies chu run 257 a sawpin a hnu lawkah Ireland chu run 201-in an hneh lehnghal.
Pakistan erawh vawi thum khelh tawhah vawi khat chiah la chakin India leh West Indies an hneh lo tawh a, South Africa hneh tur chuan an beih ve fe a ngai ang. An chak theih loh em avangin fans ṭhenkhat chuan an player-te lim an hal hial. An veteran player-te an chet ṭhat loh Pakistan hian an tuar a, captain Misbah Ul-Haq a hoa South Africa hi an hneh hi fan-te tih lungawina ṭha tak a ni ngei ang.