Brazil squad-ah Robinho

Kum 2015-a a vawi khat nan Brazil coach Dunga chuan France leh Chile nen friendly match an khelh tur atan squad a puang a, hetah hian Robinho pawh koh tel ve leh a ni.

March 26 khian Stade de France-ah France nen friendly match an khel dawn a, hemi hnu hian South American lama an elpui Chile an hmachhawn zui ang.

Nikum November thlaa Brazil-in Turkey leh Austria-te friendly match a khelhpui hnuah Robinho hi ram tan inkhel tur a koh a ni tawh ngai lo a. Kum 31-a upa Manchester City player hlui hi thla li hnuah koh a ni leh chauh a ni.

Liverpool midfielder Philippe Coutinho chu tunhnaiah club tan a chetṭhat avangin Dunga hian a ko tel a, Monaco defender Fabinho pawh a vawi khat nan ram tana khel tur a koh a ni. Amaherawhchu Shakhtar Donetsk attacking midfielder Fred leh Porto player Casemiro te chu koh an ni lo thung.

Brazil Squad chu :
Goalkeepers: Diego Alves (Valencia), Marcelo Grohe (Gremio), Jefferson (Botafogo)
Defenders: Danilo (Porto), David Luiz (Paris Saint-Germain), Fabinho (Monaco), Filipe Luis (Chelsea), Marcelo (Real Madrid), Marquinhos (Paris Saint-Germain), Miranda (Atletico Madrid), Thiago Silva (Paris Saint-Germain)
Midfielders: Elias (Corinthians), Fernandinho (Manchester City), Luiz Gustavo (Wolfsburg), Souza (Sao Paulo)
Forwards: Diego Tardelli (Shandong Luneng), Douglas Costa (Shakhtar Donetsk), Roberto Firmino (Hoffenheim), Neymar (Barcelona), Oscar (Chelsea), Philippe Coutinho (Liverpool), Robinho (Santos), Willian (Chelsea).