BWF Masters Championship-ah Mizo

Masters National Badminton Championship 2015-ah K.Lalrammawii, Kolasib leh T.Vanlalruati, Chanmari te inkawpin kum 40 chung lamah pahnihna an ni a. BWF Masters Championship, Sweden-ah Amoii leh Tepuii hian India ai an awh ang.

National Badminton Championship hi Dharamshala, Himachal Pradesh-ah March 1 aṭang khan neih ṭan a ni a, vawiina zawh tur a ni. Mizoram aiawh tel Amoii leh Tepuii te hian final-ah seeded no. 1 Maharahstra aiawh Suprya Devgun leh Asawari Parmar te chu 9-21, 21-16, 14-21 in an hneh lo. Finalist-te hi India aiawhin an fehchhhuak ang. Amoii hi nikum khan Lalthanliana nena inkawpin kum 35 mixed doubles-ah an lo champion tawh a, Tepuii erawh a vawi khat telna a ni.

Dharamshala-ah Mizoram aṭangin inlena tel turin player 10 an tel a, inelna hi kum bithliah hrang hrang 35+,40+,45+, 50+, 55+, 60+, 65+ leh 70-ah te neih a ni.