Rime-a'n Mizo coach-te training a pe

India rama goalkeeping coach ṭha ber zinga mi Gumpe Rime chuan August 16-17, 2024 khan Mizo coach-te training a pe.

Rime hian Head of Goalkeeping Coach Reliance Foundation Young Champs (RFYC) hna a chelh mek. August 24, Inrinni hian RYFC Naupang League khelh ṭan ṭum a ni a, coach-te tuai hriam turin Rime hian Aizawl a rawn tlawh.

August 16, Zirtawpni khan Rime hian MPL coach-te goalkeeping chungchangah training a pe a, August 17, Inrinniah Naupang League coach-te training a pe leh bawk.

Mahindra United leh Shillong Lajong goalkeeper hlui Rime chuan, "Mizote hian theihna sang tak an nei a, coach education lamah erawh hma sawn a ngai. A bik takin goalkeeping coach lamah ṭan a ngai," tiin Vanglaini a hrilh a, NorthEast-ah Sikkim leh Mizoram chiahin goalkeeping coach licence nei an nei lo a ni.