Bayern leh Dortmund chak chiang

European top flight league tam zawk an khelh ṭan tawh laiin Bundesliga erawh khelh ṭan a la ni lo a, DFB-Pokal an khel thung - Bayern Munich leh Borussia Dortmund te chu first round aṭanga inlanin, an match hmasa berah an chak ve ve.

Zirtawpni zan khan Bayern hian second division club SSV Ulm 1846 hmachhawnin, 4-0 in an sawp a, Thomas Muller chuan goal hnih khungin, Kingsley Coman leh Harry Kane ten goal khat ve ve an khung bawk.

Inrinni zanah Borussia Dortmund inlan ve lehin, goal li tho an khung a, 1. FC Phonix Lubeck chu 4-1 in an sawp a, second round an lut.

German fourth division club lakah hian Waldemar Anton, Emre Can (penalty), Julian Brandt leh Julien Duranville ten goal khat ṭheuh an khung a, Phonix tana Obinna Iloka goal khung chu scoreline cheimawina chauh a ni.