Thla thum chawl tur Goncalo Ramos

Paris Saint-Germain chuan Zirtawpni zan khan Ligue 1 season thar an match hmasa ber an khel, an khingpui Le Havre chu 4-1 ngawtin sawp mah se hliam vangin striker Goncalo Ramos an chan thung.

Portuguese striker Ramos hi euro maktaduai 90 ngawt senga an lei kha a ni a, minute 20 bak a khel hman lo - a kerek hliam vanga lak chhuah a ni a, zai a ngaih avangin thla thum chhung a chawlh a ngai dawn.

Ligue 1 champion hian an striker chan mah se goal khung erawh an harsat chuang lo. Lee Kang-in, Ousmane Dembele, Bradley Barcola leh Randal Kolo Muani ten goal khat ṭheuh khungin nuamsa angreng takin an chak.