Alcaraz-a'n ngaihdam a dil

Carlos Alcaraz chu Gael Monfils lakah a chak lo - US Open inbuatsaihna zinga mi Cincinnati Open khelh laiah hian hneh nei loin a tla tihna a ni, a chak lo thinrim chet danah a ngaihdam a dil zui.

Spanish star Alcaraz leh Monfils te inkhel hi ruah sur avangin a tirah an zo thei lo, an khelh zawm leh hnuah Monfils an che ṭha ta zawk a, inkhel hmuhnawm takah 4-6, 7-6 (7-5), 6-4 in a chak.

Set thumna an khelh laiin Alcaraz hia che fuh hleithei lo, a thimrim chu insum zo loin racket a vaw chhia. A thil tih avanga a inchhir thu sawiin Alcaraz chuan, "Tennis ka khelh tawh china ka chet fuh lo ber ṭum a ni hial ang.

"Ṭha tak inbuatsaih chung siin ka khel ṭha tawk lo a, khatiang thil a thleng kha pawi ka ti hle. Thil ṭha lo thlengte theihnghilhin, rilru thar nen New York khawpui pan ka tum," a ti.

Tennis season khat chhungin Grand Slam pali an khel ṭhin - Australian Open, French Open leh Wimbledon an khel zo tawh. Tun thla tawp lam aṭangin New York khawpuiah US Open an khel leh ang.