Inzaghi ṭah tirtu Lopez-a goal

Inrinni zan khan San Siro-ah AC Milan-in Verona an mikhual a, hnehna an chang mai dawna a lan laiin minute 95-naah Nico Lopez-a'n Verona tan goal pawi­mawh a khung a, 2-2 in inkhel a tawp.

Verona-in minute 18-ah Luca Toni penalty hmangin ham an hruai a, goal hi chawlhlawk hma hretin Jeremy Menez-a'n Milan tan a sut. Second half an ṭan chiah tihah Panagiotis Tachtsidis chuan an lamah a ti goal palh a, Milan in hma an hruai a, minute 90 thlengin hma an hruai zel. Amaehrawhchu injury time-ah an goal an venghim zo lo a, Lopez goal vangin coach Filippo Inzaghi chu ban thei dinhmunah a ding.

Inzaghi enkawl Milan hian an game hnuhnung 11-ah vawi hnih chauh an chak a, point 25 hmuin table-ah 10-naah an awm mek. Coach thlak tur hian assistant coach Mauro Tassotti hming sawi rik a ni.

Milan coach Inzaghi chuan, "Ka thiam leh theihna sang ber ka hmang a, training-naah kan thawk rim bawk. Mahse kan van­duai em a ni. Beidawng loin hma lam kan thlir tur a ni," tiin a sawi.