Evans leh Cisse hremna a chhuak

Chil chhak vangin Football Association chuan Manchester United defender Jonny Evans chu match ruk khel thei lo turin an hrem a, Newcastle forward Papiss Cisse pawh match sarih khel thei lo turin an hrem ve bawk. Cisse hremna match khata a tamna chhan hi Everton nena an inhelh ṭuma Seamus Coleman a nghawk luih vang a ni.

Chil chhak hmasatu kum 27-a upa Evans-a'n pha mah se FA lamin an pawmpui lo. FA thuchhuak chuan, "Evans-a'n amah puhna hi pawm lo mah se TV replay aṭangin engkim a chiang a ni," tiin thuchhuah an siam.

FA hremna hi sawi buai theih a ni lo a, an match khelh leh tur hmasa ber aṭanga hman ṭan nghal tur a ni.