Bayern chak, Dortmund draw

Bayern Munich-in Inrinni zan khan khualmualah Hannover 3-1 a hnehin an hmahruaina an sawh nghet a, tun hnaia cheṭha Dortmund erawhin an khingpui Hamburg goal awm loin an draw.

Bundesliga match 24-na inkhelah Hannover lamin Hiroshi Kiyotake-a goal hmangin hma hruai mah se Xabi Alonso freekick pui takin hmangin an si phurh a sut nghal.

Second half-ah Thomas Muller-a'n goal hnih dang a khung a, 2-1 in an chak. Match 14 khelh tur la awmah Bayern hian point 11-in hma an hruai fal tawh.

League match vawi nga a zawna chak tawh Borussia Dortmund-in match hnuhnung bera inhliam vanga lakchhuah star player Marco Reus chhawr thei mah se Hamburg lamah goal an khung thei lo.