Real Madrid an chesual leh tawh

Spanish La Liga-ah Real Madrid an chak lo leh tawh. Inrinni zan khan San Mames-ah Athletic Bilbao-in pui taka Aritz Aduriz tauh luh hmangin Real 1-0 in an hneh.

Khualmualah Real Madrid-in bul an ṭha tawk lo a, minute 24-naa goal an chhuah hnuah pawh Bilbao tlar hnung an tibuai thei meuh lo.

Second half-ah Real Madrid an insiamrem chauh a, Karim Benzema'n keeper chauh a hmachhawn hnuah a ti goal lo a, midfielder Isco goal hmaah a hriam tawk lo.

Vei lam kil hla tak aṭanga Gareth Bale-a cross/shot chuan goal ban a per a, Cristiano Ronaldo a langsar hran lo.

Real hian match 26-ah point 61 an hmu tawh a, an hnuai chiaha awm Barcelona-in point 59 an hmu tawha nizan khan Rayo Vallecano an hmachhawn.

Real Madrid boss Ancelotti chuan, "Kan chak zo lo hi a pawi ka ti a, keimah vang a ni. Kan tlar hnungte dem ngawt tur an ni lo, a hmatawng lam pawn an khel ṭha tawk lo vek a ni. Kan chak loh chuan insiamṭhat kan mamawh tihna a ni a, a rang lamin insiam ṭhat kan tum ang," tiin a sawi.