I Day Football top scorer hrem

MFA Disciplinary Committee chuan I Day Football final-a hnawhchhuah Aizawl FC winger Lalbiakdika Fanai chu match hnih khel thei lo tura an hrem bakah Rs 1,000 an chawitir.

BD-a hian hun tawp dawnah Isaac Malsawmkima chu ball tel loa a pet bakah a rek zui a, hei vang hian MFA Disciplinary Committee chuan AIFF Code behchhanin a hrem. I Day Football-ah hian Mizoram Police-in Aizawl FC 4-2 a hnehin an champion.

Champhai Zotlang tlangval hian I Day Football-ah goal sarih khungin top scorer a ni a, MPL-ah pawh goal nga a khung tawh. Aizawl FC-in FC Bethlehem leh SYS FC an hmachhawn hunah BD-a hi an chhawr thei lo ang.