Koh zingah Messi a tel lo!

Argentina chuan South American World Cup qualifier khel tur squad an puang a, hliam vanga chawl lai captain Lionel Messi a tel lo - Messi hian Chile leh Colombia a hmachhawn thei dawn lo tihna a ni.

Thla hmasa khan Argentina hian Copa America nomawi an chawi a, final inkhel hmuhnawmah Messi hi hliam vanga lakchhuah a ni, a kerek hliam vang hian Inter Miami tan pawh tun thlengin a la inlan thei lo.

Kum 37 mi Messi hian ram tana inkhelh chawlhsan tumna a la nei rih lo - World Cup 2018 a khel dawn em tih erawh zawhna lian tak a ni tawh a, qualifying chu a khel ngei dawn niin a lang.

World champion Argentina coach Lionel Scaloni-a'n player 28 a koh zingah hian, tun hnaia ram tana inkhelh chawlhsan ta Angel Di Maria a tel lo a, River Plate goalkeeper Franco Armani hming a lang lo bawk.

A vawi khat nan midfielder Ezequiel Fernandez leh striker Valentin Castellanos te koh an ni a, player chhuak thar - Alejandro Garnacho, Valentin Carboni, Valentin Barco leh Matias Soule te hming a lang thung.

Argentina hian September thla tir hian Monumental Stadium, Buenos Aires-ah Chile an mikhual dawn a, chumi hnuah Copa America final-a an hneh tak Colombia chu Barranquilla-ah an lenchilh thung dawn a ni.

Argentina Squad:

Goalkeepers: Walter Benitez (PSV Eindhoven), Geronimo Rulli (Olympique de Marseille), Juan Musso (Atalanta), Emiliano Martinez (Aston Villa).

Defenders: Gonzalo Montiel (Sevilla), Nahuel Molina (Atletico Madrid), Cristian Romero (Tottenham Hotspur), German Pezzella (River Plate), Leonardo Balerdi (Olympique Marseille), Nicolas Otamendi (Benfica), Lisandro Martinez (Manchester United), Nicolas Tagliafico (Olympique Lyonnais), Valentin Barco (Brighton & Hove Albion).

Midfielders: Guido Rodriguez (West Ham United), Alexis Mac Allister (Liverpool), Enzo Fernandez (Chelsea), Giovani Lo Celso (Tottenham Hotspur), Ezequiel Fernandez (Al Duhail), Rodrigo De Paul (Atletico Madrid), Nicolas Gonzalez (Fiorentina), Leandro Paredes (AS Roma).

Forwards: Alejandro Garnacho (Manchester United), Matias Soule (AS Roma), Giuliano Simeone (Atletico Madrid), Valentin Carboni (Olympique Marseille), Julian Alvarez (Atletico Madrid), Lautaro Martinez (Inter Milan), Valentin Castellanos (Lazio). (Reporting by Janina Nuno Rios in Mexico City; additional reporting by Ramiro Scandolo; editing by Clare Fallon).