Morata a inhliam

Spain captain Alvaro Morata chuan AC Milan tana a match hmasa berah goal a khung nghal a, Pathianni khan Torino nen 2-2 in an inhnehtawk.

Morata hian Serie A-ah bul ṭan ṭha nghal mah se Torino lakah hian a tihrawl a ti na a, kar thum tal a chawlh a ṭul dawn. Spanish striker hi Milan-in Parma leh Lazio an hmachhawn hunah a tel thei lo ang.

Kum 31 mi Morata hi Real Madrid aṭanga inzir chhuak ni mah se a chawr chhuahna aiin Juventus-ah hming a chher zawk a, Chelsea leh Atletico Madrid tana khel tawhin tun nipui bazarah AC Milan hi a zawm.