Millwall-in Holloway an ban

Championship club Millwall-in an manager Ian Holloway chu thla 14 an chhawr hnuah an ban nghal.

Club chairman John Berylson chuan, "Kan tan chuan hei hi thutlukna harsa tak a ni. Ian hi kan club hma min sawnpui beisei chunga lalut kan ni a, hetia kan inṭhen a ngai ta mai hi pawi ka ti takzet a ni. Kan tana a beihna vangin lawmthu ka hrilh duh a, Championship aṭanga tla hniam mai tur dinhmuna kan din laia min chhanchhuah avang khan a chungah kan lawm takzet bawk a ni," a ti.