Sports department-in football academy a lut tur la dawn

Sports & Youth Sevices Department chuan RSTC Saidan Kolasib leh SYS Football Academy, Lunglei a Football players tur lakna Under-14 leh under-17 tan a nei dawn. District hrang hrang tan a neihna hmun tur leh hun tur ruahman a ni.

Aizawl, Mamit leh Serchhip District tan March 12-14 chhungin Republic Veng Field, Aizawlah zing dar 10:00-ah neih tur a ni a, Kolasib District tan March 19-20 chhungin RSTC, Saidan Kolasibah zing dar 10:00-ah neih a ni bawk ang.

Champhai District tan March 17-18 chhungin Chhangphut Field, Champhaiah zing dar 10:00-ah neih ṭhin a ni ang a, Lunglei, Saiha leh Lawngtlai District tan March 16-18 chhung­in Thuamluaia Mual, Lungleiah zing dar 10:00-ah neih a ni bawk ang.

Final selection hi March 30 leh 31-ah Republic Field, Aizawlah neih tur a ni. Selection na a tel tur te chu sports dress kim­chang nen Age proof cer­tificate (Baptisma/Birth Certificate) kengin kal tur ani.