Ipswich-in Broja an la dawn

Ipswich chuan Chelsea striker Armando Broja chu loan hmangin an lalut hnai. Premier League kai thar hi an relegate lo a nih chuan kum 22 mi Broja hi £30m-in an lalut thei ang.

Albania international Broja hian Portman Road-a kal hi hreh mah se Thawhlehni khan Ipswich-a kal turin an hmin thei a, nimin lam khan thil pawimawh angte an tihfel theih beisei a ni.

Ipswich hi Manchester United assistant manager hlui Kieran McKenna hnuaiah an khel a, Chelsea aṭangin Omari Hutchinson an lak tawh bakah Ben Johnson, Liam Delap, Arijanet Muric, Sammie Szmodics, Kalvin Phillips leh Jens Cajuste te an lalut tawh bawk.

Chelsea erawh an squad a chhah avangin inpaih thawl an mamawh a, Conor Gallagher-a'n nimin khan Atletico Madrid a pan a, Romelu Lukaku pawh tun nipui bazara chhuak ngei tura ngaih a ni.