Saints player thar Fernandes

Southampton chuan midfielder Mateus Fernandes an lalut. Premier League club hian Sporting Lisbon aṭanga Fernandes lei nan hian pound makatduai 15 bawr vel an hmang.

Portugal Under-21 international hian Saints tan kum nga daih contarct a ziak a, season hmasa khan Lisbon tan hian match nga chauh khelin loan hmangin Estoril-ah a kal - Primeira Liga match 28 a khelhsak a ni.

Kum 20 mi Fernandes chuan, "England rama inkhelh hi ka chak ṭhin a, a bik takin Premier League khelh hi ka duhthusam a ni ṭhin. Khawvela league lian leh ṭha ber ka khel tur hi ka tan chona lian tak a ni ang," a ti.

Southampton hian tun kar tawp Premier League an khelh hunah chuan Nottingham Forest an mikhual ang. Coach Russell Martin tan Fernandes chhawr nan chuan a la hma deuh ang.