T20 World Cup khelhna tur hmun sawn

Women’s T20 World Cup chu Bangladesh-a khelhn tur ni mah se United Arab Emirates-ah an khel dawn ta zawk, inelna neihna tur hmun an sawn thu hi International Cricket Council (ICC) chuan an tichiang tawh a ni.

Bangladesh ramah buaina a awm fo a, tharum thawhna hriat tur a awm deuh reng - inelna hmachhawn tur ram hrang hrang te chuan tun dinhmunah Bangladesh pan an hreh, hei vang hian a hmun sawi a ngai.

ICC chief executive Geoff Allardice chuan, "Bangladesh-a Women’s T20 World Cup kan khel thei lo tur hi a pawi. Bangladesh Cricket Board lam inpekna thuk viau mah se, tunah chuan a remchang rih lo.

"Inelna hmachhawn tur ramte dinhmun tur kan ngaihtuah tel a ngai. Engtik niah emaw chuan Bangladesh hian khawvel huap cricket inelna a thlen theih ngei ka beisei a, kan duhsak bawk," tiin a sawi.

Ruahman dan chuan Women’s T20 World Cup hi October 3-20 chhung hian ram hrang hrang 10 ten an khel ang.