East Bengal-in point hlawhchhuak

AFC Cup-ah East Bengal-in an khingpui Hongkong club Kitchee SC an hneh zo lo a, 1-1 in an draw.

Salt Lake Stadium, Kolkata-a inkhelah hian Kitchee-in goal an khung hmasa zawk a, Spanish striker Juan Belencoso-a'n minute 30-naah goal mikhual team tan hmahruaina goal a khung. East Bengal-in rei tak chhung si an phurh hnuah Nigerian striker Ranti Martins-a'n minute 74 naah a rawn sut a, goal dang luhbelh tawh loin 1-1 in an ṭin ta a ni.

East Bengal hi Group F-ah awmin vawi hnih khelh tawhah chak hmel an la hmu lo a, an match hmasa berah vawi hnih khelha vawi hnih chak tawh Darul Takzim chu 1-4 laiin an hneh lo.

Darul Takzim hi group leader ni mekin an hnuaiah East Bengal nena inhnehtawk Kitchee SC an awm. Kitchee hi vawi hnih khelhah vawi khat chak neiin, vawi khat draw result an nei. Table mawngphahah Balestier Khalsa an awm a, an ni hian vawi hnih khelhah chak hmel an la hmu lo.