Cancer ka ngam vanga khel tur ka ni lo - Gutierrez

Newcastle midfielder Jonas Gutierrez chuan cancer a hneh vang maiin Magpies-ah regular player a nih nghal ngawt dawn loh thu a sawi.

Gutierrez chuan, "Cancer aṭanga ka dam leh vang ringawtin Newcastle-ah tuman regular player min nih tir nghal dawn lo. Newcastle tana khel phak reng tur chuan ka khelh ṭhat a theihtawp ka chhuah chhunzawm zel a ngai a ni," a ti.

Argentina tan pawha lo khel tawh ṭhin Gutierrez hi cancer vanga rei tak a chawlh hnuin kar hmasa Nilaini khan Manchester United an khelh ṭumin a rawn kir leh a, mipui lawm a hlawh hle.

Kum 31-a upa Gutierrez chuan, "Ka dam leh hnu a ka game hmasa ber a nih vangin ka tan chuan kha match kha a special em em a ni. Mah se, tunah chuan player dangte ang bawkin hmun chang reng tur chuan theihtawp chhuaha ka beih a ngai a ni," tiin United nena an khelh chungchang a sawi.