Falcao a che fuh thei lo

Colombian striker Radamel Falcao chu Manchester United-ah a che fuh thei lo a, intuai hriam turin United U21 team-ah khelh tir a ni a, a che fuh chuang lo.

Thawhlehni zan khan U21 Premier League hma­hruaitu inchuhna inkhelah United U21 leh Tottenham Hotspurs U21 te an inkhel a, United tan Falcao bakah Victor Valdes leh Rafael-te an khel. Falcao-a'n beisei a pha lo zel a, goal khung loin minute 72-naah lakchhuah a ni.

Inkhel hi 1-1 in a tawp a, United tana goal khungtu senior tan pawha inlan tawh James Wilson a ni.

U21 Premier League-ah United leh Spurs te'n point 24 ve ve an hmu tawh a, Tottenham hi match khatin an khel tlem.

United-in Falcao la nghet turin pound mak-taduai 43.2 an ma-mawh hmel a, amaherawhchu goal khung lo striker lei nan hetiang zat hi an hman phal a rinawm loh.