Fulham-ah Berge a kal

Premier League club Fulham chuan Sander Berge an la lut - Burnley midfielder lei nan hian pound maktaduai 25 an seng a, kum nga chhung daih contract an ziahpui a ni.

Norway international hian Craven Cottage-ah chona a hmachhawn dawn a ni a, a man zat hi a tirah pound maktaduai 20 an pe phawt ang, a dang chu a hrana pung chho leh thei tur niin, a contract pawh hi thla 12 dang pawh sei theih tura tih a ni bawk.

Kum 26 mi Berge hian season hmasa ṭan dawn khan Sheffield United aṭangin Burnley hi a zawm, season hmasa khan Clarets player of the year a ni a, mahse a team hi EPL-ah inhamtang zo loin Championship lamah an tla.

Tun nipui bazar chhungin Fulham hian player pali an la lut tling ta chiah. Berge hma hian - Emile Smith Rowe, Jorge Cuenca leh Ryan Sessegnon te an lo lei tawh bawk a ni.