Sanga enkawl Chanmari an sang

LZ Juice Mizoram Premier League season 11 khelh laiah, hmahruaitu Chanmari FC chuan nimin tlai khan kai thar SYS FC chu 2-1 in an hneh a, a chung berah an dinhmun an sawhnghet.

RG Stadium, Mualpuia inkhelah ṭan aṭanga minute lina lekah Chanmari hian MS Dawngliana hmangin goal an nei a, chawlhlawk hma hretin Lalmuankima enkawl SYS tan Joel Lalramengmawia chuan a sut.

I day Football lama beisei phak lo Chanamri an zuai mai lo - coach Lalsangzuala Hmar-in a naute a fuih ṭha, second half minute 69-naah Lalkhawpuimawia chuan an goal hnihna leh chakna goal ni nghal bawk a khung.

Sanga enkawl Chanmari hian MPL 11 match ruk an khelh aṭangin point 16 an hmu a, anmahni hnaih bertu Aizawl FC aiin point ngain an sang zawk - AFC hian match khatin an khel tlem thung a, vawiinah an inlan ve thung dawn a ni.