Naute rualin min hualah ka ngai- Ibra

Chelsea laka Zlatan Ibra­himovic-a'n red card a hmuh hmain London club player-te'n referee an hual a, Swedish forward hnawhchhuah a ni.

Inkhelh banah Ibra chuan, "Red card ka hmuh chiah khan keeper Chelsea player zawng zawng khan min hual a ni. Naute rualin min hualah ka ngai," tiin Chelsea player-te khawsak dan a ngaihnep thu a sawi.

Ibrahimovic hi minute 31-naah Chelsea midfielder Oscar a tlawh vangin hnawh­chhuah a ni a, vanneih ṭum chu ni se red card chu sawi loh yellow card pawh pum­pelh theih a ni.

Amaherawhchu, Chelsea player-te'n pressure an pe nasa a, referee Bjorn Kuipers-a'n card sen a phawrh. Keeper Thibaut Courtois leh tlu uar hret Oscar tih loh chuan referee an hual vek.

PSG striker chuan, "Thin­rim tur nge nuih tur tih pawh ka hre lo. Red Card ka hmuh khan ka thil tih sual ka hre lo," tiin card hmuh danah a lungawi lo tih a chiang hle. Champions League-a red card ṭum li hmu tawh Sweden striker hian red card hmuh tam lamah inelna record Edgar Davids-a siam a tluk pha chiah.