Kan rilru a paukhauh tawk lo - Mourinho

Chelsea manager Jose Mourinho chuan player 10-a khel Paris St Germain an hneh loh chhan chu player-te rilru pau khauh tawk loh vang a ti.

Portuguese manager chuan, "Chak loh vanga ṭah hun a ni lo a, nuih hun pawh a ni lo. Player-te bulah khelh chhiat vangin dawhkan emaw kawngkhar emaw ka chhir dawn lo, rilru fim taka team ang a kan khelh dan thlir kir hun a nih thu ka hrilh. PSG khan chak an phu a, eng team pawhin corner aṭanga goal hnih an chhuah chuan chak loh an phu a ni," tiin an khelh dan uluk taka thlir kir a ṭul thu a sawi.

Mourinho chuan sawi zelin, "Kan khel ṭha tawk lo. Kan khingpuite player 10-a an khelh chiah khan pressure kan ngah lutuk a, kan zo lo a ni. PSG khan keini aiin chak tumin an sual nasa zawk a, kan rilru a pau khauh tawk lo a ni. Ngui hman kan ni lo, Premier League-a champion ngei tumin kan bei chhunzawm ang," tiin hma thlir a pawimawh thu a sawi.