Liverpool fan-te rilru luahtu Hillsborough chhiatna chu
Kum 1989, April 15 a ni a, khatih hunlaia English club ṭha ber pawl Nottingham Forest leh English League champion Liverpool te'n FA Cup semi-final an khel dawn. An team ṭan turin Liverpool fans an pungkhawm a, club history-a theihnghilh ngai tawh loh tur chhiatna rapthlak an tawng dawn tih reng an hre lo.
Sheffield Wednesday khelmual Hillsborough-a mipui pungkhawm chu tam tak an ni. FA lamin a duan lawk angin club pahnih ṭantute luhna tur a hran ve ve a siam a ni. Liverpool fan-te luhna tura an tih Leppings Lane stand lama Liverpool fans pungkhawm an ṭhahnem a, stadium-a leng lo khawpa tam an kalkhawm. Leppings Lane stand-a gate pasarih zinga pakhat chiah hawn a la ni zui.
Mipui pungkhawm an tam si a, a ziaawm deuh beiseiin match commander David Duckenfield chuan 'exit gate' pakhat chu hawng turin thu a pe a, buaina a chhuak ta. He gate hian Liverpool fans tam tak lut tawh sa te awmna lam a pawh avangin fan-te an innek buai ta chiam a, mi 96-in nunna an chan.
Nghilh ni awm lo chhiatna
Hillsborough chhiatna rapthlak vanga thi mi 96 zinga 94 chu a hmunah an thi nghal a, a bak midang pahnih hi a hnu reilotea an hliam tuar lo a thi an ni. An vaiin 766 zetin hliam an tuar a, 300 chu Hospital panpui ngai khawpa na an ni.
Hillsborough chhiatna-ah hian unau a thi te, pafa a thi te, Pa ni mai tur an nupui te rai lai thihsan engemaw zat an tel a, hei hi Liverpool fan-te rilru ti na zualtu chu a ni. Thi zinga naupang ber chu kum 10 leka upa Jon-Paul Gilhooley niin, ani hi Liverpool captain ni ta Steven Gerrard-a cousin a ni. Thi zinga upa ber chu Gerard Baron a ni a, kum 67-a upa niin Liverpool striker Kevin Baron-a unaupa a ni.
Liverpool fan ṭhenkhat Hillsborough chhiatna a tel ve, dam khawchhuak tam tak chuan kha chhiatna kha an theihnghilh thei lo a, an nunah nghawng a nei nasa hle. Hillsborough chhiatna rapthlak thlen champhak kum sawmna 1999 thleng khan kha chhiatna a tel ve mi pathum chu an fan pui mi 96 thihnain an nunah nghawng a neih nasat em avangin mahni an intihlum hial.
Nupui pasal ṭhen phah leh zu ngawlvei phah tam tak an awm bawk.
Khawvel nghawngtu chhiatna chu
Hillsborough chhiatna hian khawvel pumpui a dengchhuak nghal a, Pope John Paul II leh khatih laia US President George H. W. Bush te chu tawrhpuina thu auchhuahpui hmasa te an ni.
Liverpool khelmual Anfield chu chhiatna thlen ni aṭanga chawlhni hmasa berah hawn a ni a, fans 20,000 chuang pungkhawmin an ṭhiante tan pangpar kengin tam takin bati an chhi. Anfield-ah mittui a luang a, an ṭhiante thihna avangin Liverpool fan-te an hlim thei lo.
Liverpool fans 96 laiin an nunna an chan aṭanga kar nga naah Liverpool-in Wembley Stadium-ah FA Cup final an khelh chhunzawm a, an ṭhenawm leh an hmelma ni bawk Everton 3-2 a hnehin an champion. Liverpool leh Everton player-te'n an banah puan dum an hreng a, minute khat chhung ngawi rengin an ding bawk.
Inkhelh ṭan hmain Liverpool khawchhuak band Gerry & the Pacemakers lead singer Gerry Marsden chuan Liverpool hlapui "You'll Never Walk Alone" a rawn sa a, Wembley Stadium-a mipui singriat chuang pungkhawm chuan lo zawmin Wembley chu mittuiin a bual hneh hle.
Nghilh har mi 96 te chu
Fans thi ta te hriatrengna Liverpool khawpui leh chhiatna thlenna hmun Hillsborough-ah hmuh tur a tam hle a, ziah vek sen an ni lo.
April 15, 1999-a Hillsborough chhiatna hriatreng nana an lungphunah chuan ti hian an ziak a;
Kan ṭhian kal ta mi 96 - mipa, hmeichhia leh naupang chhiatna rapthlak tak avanga nunna chan ta te leh kha thil vanga an nun pumpui inthlak ta te hriatreng nan. FA Cup semi-final Liverpool v Nottingham Forest. 15 April 1989. 'Malin in kal law'ng e'.
Liverpool fan-te chuan Hillsborough chhiatna rapthlak tak champha a lo thlen apiangin ṭap chungin an hlapui 'You'll never walk alone' an sa dual dual ṭhin a, an ṭhian kalta mi 96 te kha an theihnghilh ngai lo.
When you walk through a storm
Hold your head up high
And don't be afraid of the dark
At the end of the storm
There's a golden sky
And the sweet silver song of a lark
Walk on through the wind
Walk on through the rain
Though your dreams be tossed and blown
Walk on walk on with hope in your heart
And you'll never walk alone
You'll never walk alone
When you walk through a storm
Hold your head up high
And don't be afraid of the dark
At the end of the storm
Is a golden sky
And the sweet silver song of the lark
Walk on through the wind
Walk on through the rain
Though your dreams be tossed and blown
Walk on walk on with hope in your heart
And you'll never walk alone
You'll never walk
You'll never walk
You'll never walk alone