Kum 2016-ah Haas

US kut chhuak Haas Formula One team chuan kum 2016 aṭangin F1 intlansiakah an tel theih tur thu an puang.

Haas team hain Maru­ssia team headquarters hlui chu an lei fel tawh a, hemi bakah hian Marussia team hruaitu Dave O'Neill leh Rob Taylora te chu manager a tan leh chief designer a tan an ruat nghal bawk. Anni pahnih bakah hian Ferrari team hruaitu lo ni tawh Ben Agathangelou chu chief aerodynamicist atan an lalut bawk a ni. Agathangelou leh Taylor hian kum 2016-a Haas car tur chu 60% an design zo tawh nghe nghe.

Team principal Guen­ther Steiner chuan, "Tunah chuan hmabak tam tak kan la nei a, mahse tluang takin inphuahchahna a kal zel a, nitin hmasawnna kan hmu a ni. Kum 2016 aṭang chuan Australian grand prix aṭangin bul kan ṭan hman ngei ka beisei," tiin a sawi.