Bjorkman leh Murray thawk dun dawn

British no. 1 Andy Murray leh Swe­dish Jonas Bjorkman te chu thla thar aṭangin an thawk dun dawn.

Czech Ivan Lendl thlak tur in coaching test a nei dawn a, Murray leh a coach Lendl hi nikum khan an lo inṭhen tawh. Hemi hun hian Murray hian coach nghet a nei thei ta rih lo a, tunah Bjorkman nen thawh dun an tum leh mek a ni. Kar khat chung an thawk dun phawt ang a, chumi hnuah thutlukna an la siam fel ang.

Kum 42-a upa Bjorkman hi a vang­lai chuan tennis player ṭha tak a ni a, single-ah world number four hial lo ni tawhin, double-ah chuan world number one a thleng pha hial. Kum 2008 khan tennis khelh a chawlhsan.

Kum 27-a upa player Murray chuan, "Tennis a tawnhriat ngah tawh leh mi fel tak nen kan thawkdun thei tur hi ka lawm hle. Ka naupan laiin kan lo inhmu tawh a ka chungah a ṭha hle a ni. A rilru put hmang a dik a, mimal leh team ang a thawh ho a thiam hle," tiin a sawi.