Schalke zawm tur Nastasic
Manchester City defender Matija Nastasic chuan loan-a a khelh mekna Schalke chu nipui transfer-ah a nghetin a zawm dawn.
Serbia international kum 21-a upa hian kum 2012 khan Fiorentina aṭangin English club hi a zawm a, mahse tawnhriat nei ṭha zawk Vincent Kompany leh Martin Demichelis te an awm ve avangin khelhna hmun a chang meuh lo a, City tan hian match 51 khel hmanin goal a khung lo.
Kumin January khan khelhna hmun a chan theihna tur a nih beiseiin German club-ah hian loan-in a kal a, Schalke-ah hian a khelh ṭhat ṭhin avangin contract thar kum li daih an ziahpui dawn ta a ni.
Nastasic chuan, "Schalke-a ka kal tirh aṭang khan ka hlimin ka tlangnel nghal em em a, inrintawkna nen ka inkhel thei a ni. Club-in hmalak an tum dante leh kan hmasawn dan hian min ti lawm a, hetia contract thar ka ziak thei hi ka lawm leh zual a ni. German club-ah hian ka theihna zawng zawngin ka khel chhunzawm zel ang," a ti.