Gomis-a'n training a zawm

Swansea City striker Bafetimbi Gomis chuan nimin aṭang khan training a zawm leh thei tawh.

French striker kum 29-a upa Gomis hi BP hniam vangin a buai tawh ṭhin a, March 4-a Tottenham Hotspur nen White Hart Lane-a an inkhelh ṭumin field-ah a tluk avangin zawn chhuah a ni.

Damdawi-in pan pui nghal a ni a, a hriselna en­kawl zui a ni. Kar hma­sa Ningani khan damdawi-in hi a chhuah san tawh a, tunah chuan karleh a Liverpool nen Premier League an khelh tur atan a inbuatsaih leh thei tawh.

Gomis chuan, "Ka ṭhiante pui thei lo leh buaipui ngaia ka awm kha pawi ka ti takzet. Mahse tunah chuan ka hriselna a ṭha leh tawh a, dam leh thuai tur a duhsakna min hlantu zawng zawngte chungah lawmthu ka sawi a ni," tiin a sawi.