Indian Wells second round-ah Heather Watson

Heather Watson chuan BNP Paribas Open-ah German Julia Goerges hneh in second round a in vaw tling. Second round-ah seeded 29 Camila Giorgi nen an inhmachhawn ang.

British no. 1 Watson hian set khatna chu harsa lutuk loin 6-4 in a la mai a, mahse set hnih naah erawh thil a danglam. Goerges-i'n ṭan a rawn khawh ve thung a 7-5 in set a la ve thung. Set thumna khelh a ni, British tennis player hian harsatna a tawk lo 6-3 a set lain a chak zawk ta a ni.

Watson chuan, "In­rintawkna ka hloh hman a, mahse a hun takah ka dinhmun ka siam ṭha leh thei a ni. Ka chak hi ka lawm," tiin a sawi.

Kum 22-a upa Wat­son hi kumin kum tir lama Habort-a a chak hnua a chak lehna hmasa ber a ni. A hnampui British mipa ranking-a pahnihna James Ward erawh qualifying a khelh ṭhat loh avangin Indian Wells-ah hian a inlan ve thei lo a ni.