Manor Marussia second driver tur Roberto Merhi

Formula One team Manor Marussia chuan Spanish driver Roberto Merhi chu season thara an second driver tur a nih thu an puang.

Kum 23-a upa Merhi hian tun kartawp a intlan­siak lo awm tur Australian Grand Prix hi a hma-chhawn nghal ang. Eng-land driver Will Stevens nen Manor Marussia car an khalh dawn a ni. Manor Marussia team hian kar hmasa khan season thar a an car tur chu an peih chauh a, nikum lama an car kha an siam danglam deuh dawn a ni.

Spanish driver hi nikum khan Formula Renault 3.5-ah Zeta Corse tan a lo tlan tawh. F1 lamah erawh hnuhma a la nei lian lo hle, nikum khan Caterham tan practice race ṭum thum a lo nei tawh a ni.

Merhi chuan, "Kar tawpah kan team te thawhrimna hmuh ka beisei. A ṭha thei ang ber a bul ṭan kan tum dawn a ni. Team dangte aiin kan nep bik lohzia pholan nghal kan tum ang," tiin an intlansiak tur a thlir.