Services in final an lut

Nimin tlai dar 2:30 khan Services in Santosh Trophy semi-final hmasa zawkah Kerala 3-0 in extra time-ah an hneh a, final an lut.

Team pahnih an inhlauh tawn avangin an fimkhur a, goal-ah an innawr ngam lo. Hun tawp thlengin goal a lut lo a, extra time khelh a ni.

Minute 96 naah Ser­vices player Anthony chuan free kick aṭangin a pet goal. Hei hi sut ngei tumin Kerala in an pawngpaw nawr a, an tisual. Rakesh leh Vivek te'n minute 107 na leh minute 109-ah Services tan goal an rawng khung leh a, 3-0 in Services a chak zawkah an ṭang ta a ni.

Services hian final-ah vawiin tlaia inkhel tur Mizoram leh Punjab chak zawk zawk an tum ang. Mizoram hian nikum Santosh Trophy group stage-ah khan Services hi 4-1 in an lo sawp tawh a ni.