Stats-ah Punjab an chungnung

Mizoram hmachhawn tur Punjab hian ṭum 14 zet Santosh Trophy-ah final an lo lut tawh a, vawi riat an champion. Mizoram erawh vawi khat chiah final an lut a, chu chu nikuma an champion-na kha a ni.

Sulhnu thlirin Punjab an chungnung a, 2015 Santosh Trophy an khelh tawh chinah erawh Mizoram an chungnung zawk. Champion lai hian an tlin chian tawh hnuah Goa an draw a, hemi hma hian Delhi, Kera­la leh Railways an hneh.

Punjab erawh semi­final an lut hram - match hmasa ber leh hnuhnung berah Assam leh Ma­harashtra an hneh. Goal awm loa an draw Services leh West Bengal te nen an point hmuh zat a inang vek a, goal difference ṭhat zarah Punjab hi an tlang a ni.