Groupstage aiin kan ṭha tawh zawk - Mangheta

Mizoram manager chuan Vanlalngheta Pun­jab-a an cham chhung ringawt pawhin player-te khelh danah a danglamna a awm thu a sawi.

Vanglaini palai hrilhin Mangheta chuan, "Aizawl aṭanga Punjab kan zin kawngah khan kan tluang lo a, kan thlen tirhah ruah sur vanga kan practice ṭhat theih loh bawk avangin kan ṭhatna angin kan khel chhuak thei lo. Groupstage-ah khan kan vannei a, kan chak hram hram zel a, tunah chuan kha tih hunlai ai khan kan ṭha tawh. Football-ah chuan a vanduai theih a, mah se ka player-te che vel hmuh chuan Punjab hmachhawn hi kan hlau lo," tiin final thlen a inbeisei thu a sawi.

MFA assistant secre­tary Mangheta chuan sawi chhunzawmin, "Kan inkhelhna hmun tur Guru Nanak Stadium-ah hi chuan practice an phal lo a, a lan dan mai chuan a ṭha khawp mai. Aizawl-ah artificial turf-ah kan practice a, natural grass-ah khel daih mah ila player-te'n buaina an nei lo," a ti.