Vawiin aṭangin RFYC Naupang League

RFYC Naupang League chu vawiin aṭangin RG Stadium, Mualpuiah khelh ṭan a ni dawn. Inelnaah hian team 12 an awm dawn a, kickoff sesson hi ṭum hnih hman a ni ang.

Chawhma dar 9:30-ah Little Kickers Academy (Mission Veng), Aizawl Grassroot Center 'B', MSSC Football Academy, FC Dawrpui Vengthar, Dinthar YMA leh Republic GSA ten kickoff session khatna an hmang a, inkhelin a chhunzawm ang.

Chhun dar 12:30-ah Aizawl Grassroot Center 'A', Becks Football Academy, Kanan FC, Durtlang Grassroot Centre, Neuhof School (Chanmaru) leh Goals Football Academy (Zotlang) ten kickoff session vawi hnihna an hmang a, an inkhel chhunzawm bawk dawn.

School chawlh apiangin inelna hi kalpui a ni dawn a, category panga Under 6, Under 8, Under 10, Under 12 leh Under 14-ah te an inel dawn a ni.