Ronaldo goal a tawk zo lo

Saudi Pro League an khel ṭan a, a dan pangngai bawkin Cristiano Ronaldo chuan goal a khung. Mahse, Al-Nassr chuan goal an venhim zui theih loh avangin Al-Raed nen 1-1 in an inhnehtawk.

Ronaldo hian Al-Nassr tana a contract neih lai a hmang zo hnai a, a hma hun a inrinsiak mek. Hetiang karah hian goal khung a bansan lo a, sang taka zuang chungin a tauh lut - Saudi League match 48 aṭangin goal 50 a khung tawh a ni.

Kum 39 mi Ronaldo hian inkhelh chawlhsan mai a la tum lo, season ṭan dawn khan Al Nassr tana nomawi eng emaw ber tal chawipui chu a thil tum a nih thu a sawi a, hlenchhuah tumin a bei ang.

Tun hnai khan Ronaldo hian YouTube chanel a siam thar a, ni hnih chhung lekin subscriber maktaduai 31.6 a nei hman, chanchinbu i chhiar meuh chuan an lo pung leh hman viauin a rinawm.