Rome fapa Dybala

Paulo Dybala chuan Saudi Arabia aṭangin kum thum chhunga €75m hlawh tura sawmna dawng mah se AS Roma-a cham a thlang. Argentine forward hian Roma-ah hian kum khatah €5m vel a hlawh dawn a, sum aiin hming ṭhat a thlang.

Kum 30 mi Dybala chuan, "FIGLI DI ROMA," tiin X-ah (twitter) a ziak a, chumi awmzia chu 'Rome fapa' tihna a ni. Sum ṭhahnem tak a hnawl avangin Roma ṭantuten Dybala an ngaina sawt ang.

Dybala chuan, "Roma, ka lawm e. Pathianniah kan inhmu dawn nia," tiin Instagram-ah a ziak. Pathianni zan dar 12:15 hian Roma-in Empoli an mikhual dawn a, Stadio Olimpico-ah Dybala fakna ri, a ri ring khawp ang.

Argentine forward Dybala hi Instituto aṭangin bul a ṭan a, Palermo leh Juventus-ah hming a chher hnuin kum 2022 khan Roma a zawm a, nomawi erawh a la chawipui lo.