Mit fukna tur Martial leh Upamecano

France-in zanin dar 12:15-ah Sweden an tlawh dawn a, Didier Deschamps-a'n Manchester United forward Anthony Martial leh Europe club liante enthlak lai Dayot Upamecano te inlan thei zingah an tel.

Martial hian France-ah hun rei tak hmun a chan loh hnuah koh thar a ni a, Les Bleus tana khel zel turin a chet ṭhat a pawimawh. RB Leipzig defender Upamecano hi transfer laia thawm nei lian ber zinga mi a ni a, ram tana la inlan loh avangin khelh phak erawh a har dawn.

Rennes midfielder kum 17 mi Eduardo Camavinga pawh koh a ni a, a hming lo chhianchhiah rawh u, hmabak a nei êng a nia. Lyon midfielder Houssem Aouar leh United midfielder Paul Pogba erawh Covid-19 positive vangin squad aṭangin an inhnukdawk thung.