Khualmualah United an ṭha

Manchester United-in Ningani zan khan Bramall Lane-ah mualneitu Sheffield United 3-2 in an hneh. Ole Gunnar Solskjaer hote hian tun season league match khualmuala khelhah hnehna an la chang vek a, amaherawhchu goal an chhuah hmasa vek.

Blades nen pawh hian keeper Dean Henderson tihsual avangin minute ngana lekah David McGoldrick-a'n mualneitu tan goal a khung. Man United an insiamrem vat a, Marcus Rashford-a'n minute 26-naah goal ṭha bik khungin minute 33-naah Paul Pogba pass fing tak chu Anthony Martial-a'n a khung leh bawk.

Second half-ah Rashford bawk a rawn lang a, minute 51-naah United goal thumna a khung. Solskjaer hote awlsam taka chak tura ngaih theih an nih laiin David McGoldrick-a'n minute 87-naah a pet goal a, a tawpah United an hlauhthawn phah hle.

United-in point thum an hlawhchhuah avangin match 12 aṭangin point 23 an hmu a, paruknaah an awm. Solskjaer hote hi season bul ṭan chhe viau angin lang mah se match khelh hmabakah hian hnehna chang se hmahruaitu Liverpool chu point hnih chauhin an 

pha dawn lo.