Arsenal an lawm lo

FA Cup semifinal-ah Arsenal-in April 18-19 khian quarterfinal replay-a Reading emaw Bradford City emaw chak zawk Wembley Sta­dium-ah an hmachhawn dawn a, ticket an chan tlem avangin an lawm lo.

Arsenal chief executive Ivan Gazidis chuan, "FA aṭanga thu kan dawn danin 32,000 tickets kan chang dawn niin a lang. Season liamtaa kan tawn tawh a nih avangin ticket kan chang tam lo hi kan lawm lo hle a ni. Wembley Stadium-ah hian chawhrualin mipui 90,000 an leng a, hetiang zat lek kan chang hi a dik lo a ni," a ti.

Gazidis-a'n sawi zelin, "Club ṭantu rinawm tak tak, season ticket nei 45,000 tiamin final en thei lo tur an awm nual dawn tihna a ni. Chuvangin ticket tam zawk kan neih theih nan theihtawp kan chhuah zel ang," a ti.

Arsenal hi point 54 hmuin table-ah pathumnaah an awm mek a, zanin dar 8:30 hian West Ham United nen an inkhel ang.